Sa pagbaba ng “lockdown order", bumagal ang mabilis na takbo ng buhay ni Jaja at kinailangan niyang harapin ang napakalaking pagbabago sa takbo ng buhay niya. Ganoon pa man, dahil sa mga hamon na dala ng quarantine, lalong tumibay ang isang konsepto na minsan ay nailahad ng coach ni Jaja sa kanya, na “kung ano man ang ipasok mo sa luobin mo, ay siya ring ilalabas mo" Ipinaliwanag nya na noon, kahit pagod na pagod na siya, tuloy pa rin siya ng kakagawa, kahit walang tulog, sige pa rin.  Pero ngayon, dahil sa pagbagal ng takbo ng buhay niya, naunawaan niya ang kahalagahan ng pagpapahinga. Nakita niya ang positibong epekto ng pagpapahinga sa kanyang trabaho dahil mas maganda ang naibibigay niya. Natutunan niyang pahalagahan ang pagpapahinga, katulad ng pagpapahalaga niya sa kanyang trabaho.  Dala ng pagbagal, napalaya niya ang kanyang kaisipan at ang reesulta ay tumaas ang kalidad ng kanyang mga kontribusyon sa trabaho.  Kapag sobrang busy ako hindi tumitigil ang utak ko sa kakaisip, pero ngayon marunong na akong huminto, magpahinga at ituon ang aking pansin sa mga bagay lamang na mahalaga. 

Bilang karagdagan sa pagkakaroon ng mas maraming oras para sa kanyang sarili, nagkaroon rin siya ng pagkakataon na ilahad ang oras niya para sa iba. Noong sobrang busy at bilis ng takbo ng buhay niya, wala siyang panahon para sa mga kaibigan o sa pamilya.  Ngayon na natutunan na niyang bagalan ang takbo ng buhay niya, namumuhunan siya sa pagtatatag ng maganda mga relasyon, di lamang sa pamilya, pati na rin sa mga kaibigan niya.  “Kahit na hindi ko man sila makasama ng personal, mas may oras ako ngayon na kamustahin sila at alamin ang kalagayan nila" Dahil nangangailangan ako ng kalinga ngayon, nauuna akong magbigay ng kalinga at atensyon sa mga nakapaligid sa akin. 

Kung noon, ang oras ko ay nakalaan lamang sa trabaho at pagsasayaw, ngayon naging mas malikhain ako sa aking oras. Marami rin siyang mga bagong natutunan, katulad ng pagtugtog ng keyboard at ukelele.  Pinag-aaralan niya rin ang mga recipe ng nanay niya at ngayon ay nakakapagluto na rin siya para sa mga housemates niya.

Hindi man natural kay Jaja ang mas mabagal na takbo ng buhay, ito naman ay nagbigay ng bagong kahalagahan sa kanyang buhay. Ang mga koneksyon na ginawa niya sa kanyang sarili at sa iba, kasama ang pagkakataon na maging mas malikhain sa kanyang oras ay nagbigay sa kanya ng bagong pananaw sa buhay. Nakita niya na napakaraming dapat ipagpasalamat sa buhay niya, lalo na ngayon sa napakahirap na panahon na ating dinaranas.  Kahit na mahirap sa simula ang biglang pagbabago ng tulin ng buhay niya, dahil sa mga inilahad ni Jaja sa The Adveristy Archive, naging malinaw sa amin na ito ay lumago at naging isang maligayang pagdating ng pagbabago mula sa kanyang karaniwang mabilis na buhay. "Ang kagipitan, mahirap man sa simula, ay aakayin ka patungo sa nakakabuti para sa iyo. Magtiwala ka lang sa proseso at makikita mo rin na kahit na iba-iba ang karanasan ng bawat isa, kailangan mo lang magtiwala sa proseso, kahit na mahirap sa simula." Lahat naman mahirap lang sa simula, at kapag naranasan mo na mauunawaan mo rin na kaya mo pala. Nauunawaan ng The Adversity Archive na marami ang katulad ni Jaja na nabigla sa biglaang pagdating ng pandemya at sa isang idlap ay nagbago ang kanilang buhay, inaasahan namin ng ang kanyang kuwento ay nagbigay ng inspirasyon para magpahinga, pagtuunan ng pansin ang sarili, at yakapin ang bagong katotohanan na iyong hinaharap at sana matulungan kang makahanap ng kapayapaan sa gitna ng lahat ng kaguluhan at pagbabago na pumapaligid sa iyo.